“İnter”in kollektivi ulu öndərimizin xatirəsini yad etdi

Bu gün “İnter”Peşəkar İdman Klubunun kollektivi ümummilli lider Heydər Əliyevin 90 illik yubileyilə əlaqədar Fəxri Xiyabana gələrək ulu öndərin əziz xatirəsini yad etdi. Futbolxeber.az-ın məlumatına görə, klubun prezidenti Georgi Nikolov və ailə üzvləri, “İnter” komandasının direktoru Natiq Məmmədov,  komandanın baş məşqçisi Kaxaber Tsxadadze, komandanın üzvləri, o cümlədən klubun digər əməkdaşları xalqımızın ümummilli lideri, müasir müstəqil Azərbaycan dövlətinin memarı və qurucusu Heydər Əliyevin xatirəsini ehtiramla yad etdilər, məzarı önünə əklil qoydular.

Sonra görkəmli oftalmoloq alim, akademik Zərifə xanım Əliyevanın da xatirəsi yad olundu, məzarı üzərinə gül dəstələri düzüldü.