"Qarabağ"dan daha bir möhtəşəm aksiya

Futbolun kütləviliyi naminə daim fərqli  tədbirlər həyata keçirən "Qarabağ" Futbol Klubu daha bir möhtəşəm layihə həyata keçirib. Futbolxeber.az-ın məlumatına görə, ölkənin ən böyük alış-veriş mərkəzlərindən sayılan "Park Bulvar"da klub tərəfindən promo-aksiya keçirilib. Belə ki, alış veriş mərkəzində quraşdırılmış "Qarabağ" FK-ya məxsus stenddə  Premyer Liqanın 29-cu turu çərçivəsində sabah baş tutacaq "Qarabağ" - "Neftçi`  matçıyla bağlı təbliğat aparılması ilə yanaşı vətəndaşlara "Qarabağ" aksesuarları qazanma şansı yaradılıb. Belə ki, "Qarabağ" FK-yla bağlı bir suala cavab verən şəxs "Qarabağ" - "Neftçi" oyununa bilet əldə etməklə bərabər "Qarabağ" şərfi, forması, şapkası və s. qazanma şansını saxlayır. "Qarabağ" FK-ya aid fərqli suallara cavab verən şəxslər qeyd etdiyimiz məhsullarından birini əldə etmiş olur.

AVM- də böyük diqqət cəlb edən layihədə "Qarabağ"ın vitse-prezidenti Tahir Gözəl də iştirak edib. Hətta 1 suala cavab verərək simvolik olaraq "Qarabağ" - "Neftçi" görüşünə bilet də əldə edib.

Axşam satlarına qədər davam edən layihə bugün də davam edəcək.