DÇ-2014: Kobi Brayant finalda görmək istədiyi komandaların adlarını açıqladı

Braziliyada keçirilən XX dünya çempionatını canlı olaraq izləyənlər arasında “Los-Anceles Leykers”in ulduzu Kobi Brayant da var. Futbolxeber.az-ın məlumatına görə, əfsanəvi basketbolçu finalda 2 Cənubi Amerika təmsilçini görmək istəyir: “Braziliyalıları onların vətənində məğlub etmək heç də asan deyil. Mən Braziliya - Argentina finalına baxmaq istərdim. Almaniya millisi çox güclüdür. Onları da güclü rəqib hesab etmək lazımdır. 6 yaşımdan 14 yaşıma kimi mən futbol oynamışam. Bu, mənim sevimli idman növümdür. Bu səbəbdən də mən əla oyunlara canlı baxmaq şansını əldən verə bilməzdim. Bu səbəbdən də Braziliyadayam”.