“Qarabağ”ın dörd yaşlı azarkeşindən Qurban Qurbanova təbrik

Azərbaycan Premyer Liqasının lideri “Qarabağ” klubu hələ çempionluğu rəsmiləşdirməsə də, bu komandanın yarışı birinci yerdə tamamlayacağına inananlar və hətta indidən Ağdam klubunu təbrik edənlər çoxdur. Futbolxeber.az-ın məlumatına görə, Ağdam klubu üçün erkən təbrik bu dəfə dörd yaşlı uşaqdan gəlib. Şəkildə gördüyünüz, “Qarabağ”ın dörd yaşlı azarkeşi olan Türkay Əliyeva komandanın baş məşqçisi Qurban Qurbanovu görərkən onu təbrik etməklə yanaşı əminliklə deyib: “Siz çempion olacaqsınız!”

Qeyd edək ki, Türkay Əliyeva Azərbaycanın məşhur idman şərhçisi olmuş, hazırda “NetBet” şirkətinə rəhbərlik edən “Netbet MMC”nin rəhbəri Altay Əliyevin qızıdır.