Futzal
V sınaq öncəsi tarixə səyahət: ilk cəhddə IV yer LAYİHƏ
Futbolxeber.az saytı qalib olduğu AFFA yanında Media Komitəsinin “Futzal: mövcud durum və perspektiv üfüqləri” layihəsini davam etdirir. Layihəyə Azərbaycan millisinin Avropa çempionatındakı çıxışları ilə bağlı silsilə statistik yazılarla start vermişik. Ötən yazıda yığmamız üçün uğursuz olan seçmə mərhələlərdən söhbət açmışdıq. Sıra artıq qazandığımız uğurlardadır. Budəfəki yazıda Azərbaycan millisinin ilk dəfə 2010-cu ildə qatıldığı Avropa çempionatına gedən yolu, qitə birinciliyindəki çıxışından danışacağıq.
PORTUQALİYADA QAZANILAN TARİXİ UĞUR
Əvvəlki yazıda bəhs etdiyimiz kimi, Azərbaycan millisi tarixindəki ilk dəfə Avropa çempionatına 2010-cu ildə vəsiqə qazanıb. Milli komandamız tarixi uğura 7-ci cəhddə nail olub. Əvvəlki 6 cəhdə seçmə mərhələ yığmamız üçün “keçilməz sədd” olmuşdu. Bütün hallarda da, millimizə yerli məşqçilər rəhbərlik edirdi.
AÇ-2010-un seçmə mərhələsinə millimiz ilk dəfə əcnəbi mütəxəssis - Joze Alesionun rəhbərliyi altında qatıldı.
2009-cu ilin mart ayında Portuqaliyada keçirilən seçmə mərhələ görüşlərində millimizin rəqibləri meydan sahibləri ilə yanaşı, Polşa və Finlandiya kollektivləri idi.
Əvvəlki seçmə mərhələlərdə olduğu kimi, bu dəfə də təqvim komandamız üçün əlverişsiz idi. Belə ki, ilk matçda millimiz Portuqaliya ilə üz-üzə gəlirdi. Güclü rəqiblə səfərdə qarşılaşmaq isə komandamızın işini daha da çətinləşdirirdi. Bununla belə, yığmamız çətin sınaqdan üzüağ çıxmağı bacardı. Düzdür, millimiz pirineyliləri məğlub edə bilmədi. Amma qeydə alınan 3:3 hesabı komandamızın final mərhələsinə yüksəlmək şansını saxlayırdı. Çünki qrupdan ilk 2 yerin sahibi qitə birinciliyinə vəsiqə qazanacaqdı.
Portuqaliya matçdan bir gün sonra - martın 20-də yığmamız Polşa ilə qarşılaşdı. 4:3 hesabı ilə çətin qələbə qazanan millimiz növbəti mərhələ şansını xeyli yüksəltdi. Bunun üçün son turda Finlandiyanı məğlub etmək lazım idi. Martın 22-də keçirilən həmin matçda komandamız finləri 5:1 hesabı ilə məğlub etməklə tarixi uğura imza atdı. Beləliklə, bu, 14 illik həsrətin sonu, Azərbaycan millisinin tarixində ilk dəfə Avropa çempionatının final mərhələsinə yüksəlməsi demək idi.
“PAPP LASLO ARENA”DA BAŞ TUTAN DEBÜT
2010-cu ilin 19-30 yanvar tarixlərində Avropanın ən güclü 12 yığması Macarıstanda bir araya gəldi. Tarixində ilk dəfə qitə birinciliyinə vəsiqə qazanan millimiz püşkün nəticəsinə əsasən “A” qrupunda yer alan millimiz meydan sahibi Macarıstan və Çexiya ilə üz-üzə gələcəkdi.
Qitə birinciliyi Macarıstanın 2 şəhərində - paytaxt Budapeşt və Debretsendə keçirilirdi.
Millimiz ilk oyununda Budapeştdəki “Papp Laslo Arena”da meydan sahibləri ilə qarşılaşdı. 2010-cu ilin 19 yanvarında oynanılan qarşılaşma Azərbaycan millisinin 3:1 hesabı ilə başa çatdı.
2 gün sonra millimiz Çexiya ilə üz-üzə gəldi. Bu dəfə daha asan - 6:1 hesablı qələbəyə sevinən Alessionun yetirmələri vaxtından əvvəl həm qrup birinciliyini, həm də növbəti mərhələyə vəsiqəni təmin etdi.
2 DƏFƏ HESABDA GERİ DÜŞSƏK DƏ...
1/4 finalda millimizin rəqibi “B” qrupunun ikincisi Ukrayna idi. 2010-cu ilin 25 yanvarında Budapeştdə keçirilən görüş yığmamız üçün uğursuz başladı. Artıq ilk dəqiqədə rəqib qapımıza yol tapdı. Lakin 1 dəqiqə sonra hazırda millimizin kapitanı olan Rizvan Fərzəliyev hesabı bərabərləşdirdi. 10 dəqiqənin tamamında Ukrayna yığması ikinci dəfə millimizi meydanın mərkəzinə dəvət etdi. İlk hissənin sonuna yaxın Tyaqo növbəti dəfə ukraynalıları məyus etdi. Fasilədən sonra üstünlüyü ələ alan Azərbaycan yığması hazırda millimizin baş məşqçisi olan Biro Jadenin qolu ilə matçda ilk dəfə hesabda önə keçdi. Amma bu qol qələbə üçün kifayət etmədi. 33-cü dəqiqədə Kondratyuk görüşün yekun nəticəsini müəyyənləşdirdi. Yekunda hər şey penaltilər seriyasında həll olundu. Millimizin heyətində Serjao, Tyaqo, Biro Jade və Fərzəliyevin zərbəsi qol oldu. Ukrayna yığmasının isə yalnız ilk 2 zərbəsi dəqiq olduğundan penaltilər seriyasında 4:2 hesablı qələbə qazanan millimiz ilk dəfə qatıldığı Avropa çempionatında yarımfinala adladı.
1 XALLI YARIMFİNALÇI
Yarımfinalda Azərbaycan millisinin rəqibi Portuqaliya yığması idi. Maraqlıdır ki, “D” qrupunda yer alan Piriney təmsilçisi 1/4 finala cəmi 1 xalla yüksəlmişdi. İspaniyaya uduzan Portuqaliya, Belarusla da heç-heçə etmişdi. Həm Portuqaliya, həm də Belarus qrup mərhələsini 6 qol vurmaqla 1 xalla tamamlanmışdı. Yalnız topların daha yaxşı fərqinə görə (Belarus -8, Portuqaliya -5), portuqaliyalılar mübarizəni davam etdirmək hüququ qazanmışdılar. 1/4 finalda isə Portuqaliya “C” qrupunda Rusiyanı qabaqlamaqla birinci olan Serbiyanı 6:1 hesabı ilə darmadağın etmişdi.
YENƏ PORTUQALİYA, YENƏ 3:3
Azərbaycan - Portuqaliya görüşü 2010-cu ilin 28 yanvarında Debretsendəki “Feniks Arena”da keçirilirdi. Matça millimiz fəal başladı. Artıq 7-ci dəqiqədə Tyaqo hesabı açdı. Lakin komandamızın sevinci çox çəkmədi. 2 dəqiqə sonra Portuqaliya status-kvonu bərpa etdi. 17-ci dəqiqədə Felipenin qolu ilə millimiz ilk yarını hesabda öndə bitirdi. İkinci hissədə isə hər şey 2 dəqiqə ərzində baş verdi. Əvvəlcə 27-ci dəqiqədə portuqaliyalılar ikinci dəfə hesabı bərabərləşdirməyə nail oldular. 28-ci dəqiqədə isə hər komanda 1 qol vurdu. Yığmamızdan Biro Jade, rəqibdən isə Pedru Koşta adını tabloya yazdırdı. 1/4 finalda olduğu kimi, yarımfinalda da oyunu 3:3 hesabı ilə yekunlaşan millimizin taleyi penaltilərdə həll olunacaqdı. Millimizdən Serjao, Biro Jade və Fərzəliyevdən fərqli olaraq, Tyaqo şansını boşa verdi. Beləcə penaltilər seriyasında 3:5 uduzan millimiz Avropa çempionatının finalına yüksələ bilmədi.
Maraqlıdır ki, seçmə mərhələdə olduğu kimi, final mərhələsində də Azərbaycan - Portuqaluya matçı 3:3 hesabı ilə tamamlandı.
BÜRÜNC DƏ ƏLDƏN ÇIXDI
III yer uğrunda görüşdə millimiz tanış rəqiblə qarşılaşırdı. Söhbət qrup mərhələsində 6:1 hesabı ilə darmadağın etdiyimiz Çexiya millisindən gedir. Qrup ikincisi kimi 1/4 finala adlayan çexlər bu mərhələdə sürpriz şəkildə çempionatın əsas favoritlərindən olan İtaliyanı mübarizədən kənarlaşdırmışdı. Yarımfinalda isə çexlər İspaniyaya heç bir müqavimət göstərə bilməmişdilər - 1:8.
Bürünc medal uğrunda Azərbaycan - Çexiya görüşü yanvarın 30-da keçirildi. “Feniks Arena”dakı matça fəal başlayan çexlər artıq ilk dəqiqədə millimizi məyus etdilər. Lakin çox keçmədən Vitali Borisov hesabı bərabərləşdirdi. 18-ci dəqiqədə Serjaonun vurduğu qol sayəsində Azərbaycan millisi ilk yarını hesabda öndə tamamladı.
İkinci hissəyə çexlər üstün başladılar. 23-cü dəqiqədə hesab bərabərləşdi. 25-ci dəqiqədə isə Rizvan Fərzəliyevin avtoqlu sayəsində Çexiya yığması ikinci dəfə hesabda önə keçdi - 3:2. Təxminən 10 dəqiqə ərzində bərabər səviyyədə keçən görüşün taleyi son 5 dəqiqədə həll olundu. 35-ci dəqiqədə Novotnı millimizin qapısına 4-cü qolu vurdu. Rəcəb Fərəczadə az sonra fərqli azaltmaqla millimizi ümidləndirsə də, sona 1 dəqiqə qalmış boş qapını dəqiq nişan alan Kopetski Azərbaycan yığmasının ümidlərini üstündən xəttə çəkdi. 3:5 hesablı yenilgi ilə millimiz bürünc medal qazanmaq şansını da boşa verdi. Beləcə, Azərbaycan yığması ilk dəfə qatıldığı Avropa çempionatında IV yeri tutdu. Debütant üçün bu nəticə pis hesab olunmasa da, komandamız nəinki bürünc medal qazana, hətta bir qədər bəxti gətirsəydi, finala da yüksələ bilərdi.
"Layihə AFFA yanında Media Komitəsi tərəfindən maliyyələşdirilir"
Şərh yazılmayıb
|
ŞƏRH YAZ
|
Çox oxunan xəbərlər
- Milli komandamızın yeni baş məşqçisi müəyyənləşib: Mayın əvvəli Bakıya gəlir
- AFFA İcraiyyə Komitəsinin üzvü: “Hələlik çempionatda 10 komanda qalmalıdır”
- Asif Məmmədov: “Kimsə bunu sübut etsə, üzr istəməyə hazıram”
- AFFA İcraiyyə Komitəsinin üzvü: “Premyer Liqada klub sayının artırılması gündəmdədir”
- Minifutbol millimizin heyəti narazılıqla qarşılandı, baş məşqçi danışmaq istəmədi
- Basketbol federasiyasının diqqətinə: Təhlükəsizliyə bu qədər biganə yanaşmaq olmaz!
- “Aznur”un baş məşqçisi: “Mənim üçün “Birbaşa Bakı” “Zirə”dən daha narahat rəqibdir”
- “Qarabağ”ın mükafatlandırma mərasiminin yeri və məkanı dəyişdi - ÖZƏL
- Ayxan Abbasov: “Komanda adı çəkmək mənə yaraşmaz, amma bu söhbətlər olacaq”
- Avropa çempionatında möhtəşəm nəticə
- 90-cı dəqiqədə meydana çıxdı, “Neftçi” - “Araz-Naxçıvan” oyununun ən yaxşısı seçildi
- Hakimlər “kimə işləyir”? - Araşdırma
- Emin Əmrullayev “Neftçi”ni təbrik edib, AFFA İcraiyyə Komitəsindən danışdı: “Bu nəticəyə görə sevinirik”
- Klublar Komitəsinin iclası keçirilib
- “Futzaldır, minifutboldur, bizim mentalitetlə “1 nömrə” kimi oynamaq çətindir, o potensial bizdə yoxdur”
-
13:46
İdman gimnastikası üzrə açıq Bakı çempionatı və paytaxt birinciliyi start götürüb
-
12:31
Azərbaycan millisinin Qızıl Avropa Liqası üçün yekun heyəti açıqlanıb
-
12:17
Nazir iş adamlarına səsləndi
-
11:58
Azərbaycanın millisi Sloveniyaya yollanıb
-
11:23
"Trabzonspor" darmadağınla finalda VİDEO
-
11:05
Şirvanda həndbol üzrə Azərbaycan birinciliyinin zona yarışı keçirilir
-
10:49
“Neftçi”də maliyyə böhranı
-
10:14
"Zirə" "Qarabağ"la oyuna hazırlaşır FOTOLENT
-
09:52
"Xəzri"nin baş məşqçisi: "Müdafiədə çox yaxşı oynadıq"
-
09:30
"Real"dan möhtəşəm geridönüş VİDEO
-
21:24
Azərbaycanın yeniyetmə stolüstü tennisçiləri Avropa birinciliyində iştirak edəcək
-
21:16
Azərbaycan Basketbol Liqası: “Xəzri” finala yaxınlaşdı
-
19:55
"Bu, gənc oyunçularımıza təcrübə qazanmaları üçün yaxşı şansdır”
-
19:41
I Liqada 25-ci tur start götürdü
-
19:09
Lisenziya Turniri: Azərbaycan güləşçilərinin ilk rəqibləri bəlli oldu
-
18:38
XXXV turun oyun cədvəli açıqlandı
-
17:13
Bilyardın “Pool-9” növü üzrə Azərbaycan çempionatı keçiriləcək
-
16:57
PFL və “YAŞAT” Fondu arasında anlaşma memorandumu imzalandı FOTOLENT
-
16:00
“Sumqayıt” “Səbail”lə oyunun hazırlıqlarını davam etdirir
-
14:36
Naxçıvanda "Sağlam həyat" günləri təşkil olunub
-
14:14
"İmarət"dən yeni görüntülər VİDEO
-
13:49
AFFA klublara təhlükəsizlik mövzusunda seminar keçib
-
13:21
Azərbaycan şahmatçıları beynəlxalq turnirdə iştirak edirlər
-
13:08
Azərbaycan amputant millisi Türkiyədə təlim-məşq toplanışında olub
-
12:50
Azərbaycanda körlinq idman bölməsi açılıb
-
12:37
Bakıda keçirilən atıcılıq üzrə Dünya Kubokunda növbəti medalçılar bəlli olub
-
12:25
AFFA-dan Yuri Matiasa sərt cəza
-
12:13
"Turan Tovuz"un legioneri üçün mövsüm bitdi
-
11:52
“Kəpəz”in 2 futbolçusuna 4 oyunluq cəza verildi
-
11:04
Heydər Əliyevin xatirəsinə həsr edilmiş futzal turnirinin qalibi bəlli olub
-
10:49
“Neftçi” - “Kəpəz” oyununun biletləri satışda
-
10:27
Qadın boksçulardan ibarət Azərbaycan yığması Almatıda hazırlıq keçəcək
-
10:11
Yeniyetmələr arasında badminton üzrə Azərbaycan birinciliyi keçirilib
-
09:48
Azərbaycan Basketbol Liqası: "Sabah" finala yaxınlaşdı
-
09:30
"Borrusiya" ÇL-də ilk finalçı oldu VİDEO
-
09:26
“Dinamo” “Ağdaş”a məğlub oldu
-
19:25
“Neftçi”də Emin Mahmudovun “torbası tikilir”?
-
18:59
II Liqa: Ev sahibləri üçün uğursuz gün
-
18:33
Şehiç milli karyerasını başa vurdu
-
17:17
Azərbaycan bədii gimastı Dünya Kubokunda iştirak edəcək
-
16:44
"Araz-Naxçıvan"dan "qızıl dubl"
-
16:26
Azərbaycanlı güləşçinin oğlu ABŞ-da ötən ilin ən yaxşısı seçilib
-
15:57
Azərbaycan parakarateçiləri Avropa çempionatında iştirak edəcəklər
-
14:30
AFFA İcraiyyə Komitəsinin üzvü: “Hələlik çempionatda 10 komanda qalmalıdır”
-
14:12
Millimizin üzvü: "Xorvatiyaya qarşı layiqli mübarizə aparmağa çalışacağıq"
-
13:58
Millimiz Türkiyəyə də uduzdu
-
13:39
Faiq Qarayev: "İstəyim odur ki, voleybol Azərbaycanda öz yerini tapsın"
-
13:01
Bakıda keçirilən atıcılıq üzrə Dünya Kubokunda növbəti medallar sahibini tapıb
-
12:45
Azərbaycanın millisi Qızıl Avropa Liqasına hazırlıqları davam etdirir
-
12:24
“Gəncə” baş məşqçisi ilə bağlı qərarını açıqlayıb