Cəlal ehtiyatda qaldı, komandası qələbə qazandı

Rumıniya Superliqasında 10-cu turun oyunları keçirilib.

Futbolxeber.az saytının məlumatına görə, Azərbaycan millisinin müdafiəçisi Cəlal Hüseynovun çıxış etdiyi “Petrolul” öz meydanında “Csikszereda”nı qəbul edib.

Qarşılaşma meydan sahiblərinin qələbəsi ilə yekunlaşıb - 2:0.

Cəlal Hüseynov əvvəldən sona kimi qarşılaşmanı ehtiyat oyunçular skamyasından izləyib.

Qeyd edək ki, bu qələbədən sonra xallarının sayını 19-a çatdıran "Petrolul" turnir cədvəlində dördüncü pillədə qərarlaşıb.