“Turan Tovuz” - "Fənərbaxça” oyununa böyük maraq: 1 saata 6 min bilet satıldı

“Turan Tovuz” və “Fənərbaxça” arasında Tofiq Bəhramov adına Respublika sadionunda keçiriləcək yoldaşlıq oyununun biletləri satışa çıxarılıb.

Futbolxeber.az saytının məlumatına görə, azarkeşlər https://birbilet.az/az/tedbir/turan-tovuz-fenerbahce linkinə daxil olmaqla biletləri əldə edə bilərlər.

3, 4, 5, 6-cı sektorlar "Turan Tovuz", 23, 24, 25 və 26-cı sektorlar "Fənərbaxça" fanklubları üçün nəzərdə tutulub.

Qeyd edək ki, qarşılaşmaya böyük maraq var. Belə ki, 1 saat ərzində 5872 bilet satılıb.

Xatırladaq ki, oktyabrın 3-də keçiriləcək “Turan Tovuz” - “Fənərbaxça” matçı Tofiq Bəhramov adına Respublika sadionunda keçiriləcək və saat 20:00-da start götürəcək.