Futzal
Millimizin ilk baş məşqçisi: “Top ağır, krassovkalarımız isə “kitayski” idi” LAYİHƏ
Futbolxeber.az saytı qalib olduğu AFFA yanında Media Komitəsinin “Futzal: mövcud durum və perspektiv üfüqləri” layihəsini davam etdirir. Bu dəfə Azərbaycan futzalı tarixinə yığmanın ilk baş məşqçisi kimi düşən Əbdülqəni Nurəhmədovla söhbətləşdik. Təcrübəli mütəxəssislə həm yığmanı çalışdırdığı vaxtlardan, həm futzalımızın hazırkı durumundan, həm də gələcək perspektivlərdən danışdıq.
- Siz futzal millimizin ilk baş məşqçisi olmusuz. Həmin vaxt bu ideya necə yarandı, təklif kimdən gəldi?
- 1991-ci ildə sovet ordusundan qayıtdıqdan sonra Siyəzənin “Çıraqqala” komandasında çalışmağa başladım. Həmin vaxt komanda aşağı liqada yarışırdı. Məqsəd güclülər sırasına qoşulmaq idi. 1 il “Çıraqqala”da çalışdım. Amma komanda mövsümün sonunda istəyinə çata bilmədi. Yüksək liqadan kənarda qaldığımız üçün Siyəzən klubundan ayrıldım. Daha sonra Bakıya gəldim və “Avtomobilçi”də çalışmağa başladım. 1995-ci ildə milli komandamız tarixində ilk dəfə olaraq Avropa çempionatının seçmə mərhələsində iştirak edəcəkdi. Rəhbərlik də məhz mənim yığmanı çalışdırmağımı istədi.
- Sizdən başqa millinin baş məşqçisi postuna namizəd var idi? Ümumiyyətlə, sizin seçilməyinizdə hansı amil rol oynadı?
- Məndən başda da namizədlər var idi. Təxminən 3-4 məşqçi arasında seçim edilirdi. Amma yığmanın əsasını məhz “Avtomobilçi”nin oyunçuları təşkil edirdi. Məncə bu amil seçimdə böyük rol oynadı.
- Səhv etmirəmsə, köməkçilərinizdə biri Şakir Qəribov idi...
- Biri yox, elə ancaq o idi. Şakir Qəribovdan başqa köməkçim yox idi.
- AVRO-1996-nın seçmə mərhələsi öncəsi heyəti necə formalaşdırdınız? Hollandiyadakı seçmə mərhələyə 11 futzalçı ilə yollanmışdınız...
- Azərbaycan çempionatından milliyə cəlb oluna biləcək oyunçular var idi. Onların arasında seçim etdik və komandanı formalaşdırdıq. Məncə səfərə 12 oyunçu ilə yollanmışdıq, 11 yox.
- Həmin vaxt Azərbaycan çempionatı ilə beynəlxalq arenadakı oyunlar arasında fərq var idi. Yəni biz mini-futbol, avropalılar isə futzal qaydaları ilə oynayırdılar. Bu məqam işinizə nə dərəcədə çətinlik yaradırdı?
- Həqiqətən də elə idi. Top ağır, bizim krassovkalarımız isə “kitayski” idi. Ağır topu məhz ilk dəfə Hollandiyada keçirilən seçmə mərhələdə gördük. Topun ağır, bizim krassovkaların yüngül olması işimizi bir qədər də çətinləşdirirdi. Üstəlik, oyunçuların çoxu böyük futboldan gəlmişdi. Yalnız 1-2 nəfər istisna təşkil edirdi. Futzal oynasaq da, mən özüm də komandaya hazırlığı böyük futboldakı kimi keçirdim. Böyük futbolun hazırlıq prosesini bir qədər kiçildib, komandanı hazırlaşdırırdıq.
- Bütün çətinliklərə baxmayaraq, seçmə mərhələyə uğurla başladınız. İlk oyunda Polşa üzərində 6:4 hesablı qələbə qazandınız.
- Biz həmin oyunda futbolda olduğu kimi uzun ötürmələrdən istifadə edirdik. Həmin dövrdə futzalda heç kim belə oynamırdı. Əksəriyyət uzun ötürmə taktikasından futzalda yenicə istifadə edirdi. Bizim qurduğumuz oyun tərzi rəqib üçün sürpriz idi. Üstəlik, polşalılar bizi saymırdılar. Oyundan qabaq bizə asan rəqib gözü ilə baxırdılar. Bundan faydalanıb onları məğlub etdik.
- Həmin görüşdən öncə komandada vəziyyət necə idi? Yəqin ki debüt oyunu olduğu üçün həyəcan, gərginlik var idi...
- Təbii ki, gərginlik var idi. İlk qarşılaşma olduğu üçün qələbə ilə başlamaq istəyirdik. Oyunçular məsuliyyəti dərk edirdilər. İndikilər “robot”dular. Amma o zaman kimin qabında nə var idisə, ən azı 70 faizini meydanda qoyurdu.
- Qələbə ilə başlasaq da, bunun ardını gətirmək mümkün olmadı. Digər 4 görüşdəki məğlubiyyətə səbəb nə idi? Güc çatmadı, yoxsa rəqiblər ilk oyundakı qələbədən sonra artıq Azərbaycan millisinə ciddi yanaşırdılar?
- Həm rəqiblər bizi artıq ciddiyə alırdılar, həm də yorğunluq sözünü dedi. Bayaq dediyim kimi, ağır topla oynayırdıq və bu, xeyli güc alırdı.
- Həmin yarışdan sonra milli komandamız Dünya çempionatının seçmə mərhələsinə qatılmalı olsa da, bundan imtina edildi. Bu nədən irəli gəlirdi?
- Həmin vaxt futzala indiki kimi baxılmırdı. Bugünkü səviyyədə diqqət, qayğı yox idi. Həm də o vaxt məcburiyyət yox idi. İndi UEFA-nın tələblərinə əsasən, federasiyalar çempionat keçirməyə, futzal yığması formalaşdırmağa məcburdular.
- Yığmadan gedişinizə səbəb nə oldu? Özünüz getdiz, yoxsa...?
- Özüm getdim, gördüm mənlik deyil. Federasiya rəhbərliyi ilə aramızda hər hansı problem yox idi. Sadəcə olaraq durum məni qane eləmirdi. Komandada şərait yox idi, mən isə ailəmi dolandırmalıydım. Ona görə də məcbur oldum başqa sahəyə keçdim.
- Futzal Azərbaycanda ənənəsi olan idman növüdür. Bu idman növünün ölkəmizdəki hazırkı durumunu necə dəyərləndirərdiz?
- Son illər Azərbaycanda futzalın inkişaf etdiyi göz önündədi. Amma indi də çatışmazlıqlar qalır. Bir qədər də diqqət artırılsa, lap yaxşı olar. Uşaq futzalı, məktəblər yoxdur. Bütün bunları yaratmaq lazımdır. Üstəlik, çempionatımız da zəif keçir. Cəmi 3-4 komanda iddialıdı.
- Özünüz də hazırda futzalın içində olan adamsınız. Məktəblərin olmaması nədən irəli gəlir?
- Bu, maddi durumda bağlıdır. Nədənsə sponsorlarda futzala maraq yoxdu.
- Yüksək liqa, birinci dəstə - bu yarışları mütəmadi olaraq izləyirsiz. Hansı çatışmazlıq var?
- Hər şey maliyyənin üstündədi. İş adamları futzala diqqət ayırsalar, vəziyyət dəyişər. Məktəblər olmadığı üçün böyük futbolda olduğu kimi, futzal da oyunçu çatışmazlığı mövcuddur. Axtarırsan, amma tapa bilmirsən. Maliyyə olmalıdı. Məşqçilər daha çox oxumalı, inkişaf etməlidirlər. Üstəlik, beynəlxalq yoldaşlıq oyunları da daha çox keçirilməlidir.
- Futzal federasiyasının prezidenti Zaur Axundov bu yaxınlarda AFFA İcraiyyə Komitəsinin üzvü seçildi. Düşünmək olar ki, bundan sonra futzala diqqət daha da artırılacaq?
- Zaur bəylə 1-2 dəfə görüşümüz olub. Amma o AFFA İcraiyyə Komitəsinə üzv seçildikdən sonra bu barədə danışıq olmayıb. Çempionatın sonuna az qalıb. Yəqin ki, çempionat başa çatdıqdan sonra ətraflı müzakirələrimiz olacaq. Zaur Axundov da futzalın inkişafı üçün çalışır. 5 il qabaq bizi biryerə yığmışdı, o zaman da fikirlərimi dedim. Futzalı inkişaf etdirmək istəyiriksə, akademiya mütləqdi. Eləcə də 1 yığma olmamalıdı. Ən azı U-21, U-19, lap U-17 komandaları formalaşdırılmalıdır. Bu yaş qrupu üzrə komandalarda oyunçular püxtələşməlidirlər. Bir dəfə ikinci yığma, U-21 formalaşdırılmışdı. Amma bu, daimi olmalıdır.
- Elə sadaladığınız səbəblərdəndir ki, hazırda millimizin əsas heyətini braziliyalılar təşkil edir...
- Braziliyalılar olmalıdı, hazırda onların xidmətindən çoxları istifadə edir. Amma braziliyalıların yanında yerlilər də olmalıdır. Məsələn, Biro Jade baş məşqçidir, köməkçiləri yerlilər olmalıdır ki, ondan öyrənsinlər, faydalansınlar.
- Əvvəlki illərə baxanda, son seçmə mərhələ oyunlarında millidə bir neçə yerli futzalçını gördük.
- Bəli, əvvəlki illərlə müqayisədə indi heyətdə azərbaycanlıların sayı çoxdu. Rövşən Hüseynov, Xətai Bağırov, İsa Atayev bacarıqlı oyunçulardı. Mən demirəm onlara nəsə öyrətmişəm. Amma hər üçüncü mən tapmışam, futzala cəlb etmişəm. Onlara psixologiyanı, peşəkarlığı aşılamışam. Azdan-çoxdan faydam dəyib. Sağ olsunlar, bunu unutmurlar və oyundan sonra gəlib görüşürlər. Onlara sağa-sola zərbə vurmağı öyrətməmişəm, idmançı həyatını başa salmışam.
- Gələcəkdə Azərbaycan yığmasının yalnız yerlilərdən təşkil olunması üçün nə qədər vaxt lazımdı?
- Vaxt deməyə çətinlik çəkirəm. Futzal çox çətin oyundu. Böyük futbolumuza baxın, yavaş-yavaş irəli addımlayır. Futzal yığmamız son dünya çempionatında beşinci oldu. Əgər bu idman növünə diqqət daha çox olsa, bir qədər də irəli gedə bilərik. Unutmayaq ki, mini futbolun ənənəsi bizdə qoyulub, Ələkbər Məmmədovun vaxtında. Biz 14 yaşında böyüklərlə oynayırdıq artıq.
- Azərbaycan yığması tarixi ərzində ardıcıl 5-ci dəfə Avropa çempionatına yüksəldi. Yarışa hələ 7-8 ay vaxt var. Qitə birinciliyində komandamızdan nə kimi nəticə gözləmək olar?
- Əvvəlki illərə müqayisədə nəticə qazanmaq nisbətən çətin olacaq. Buna görə də komandanı gücləndirmək lazımdı. Daha 1-2 keyfiyyətli braziliyalı komandaya cəlb olunsa, Avropa çempionatında nəticə qazanmaq mümkündür.
- Baş məşqçi məsələsi ilə bağlı fikirləriniz necədir, Biro Jade qalmalıdır yığmada?
- Mən Bironu saxlayardım. Amma yanında yerli məşqçilər lazımdır. Məsələn, İlqar Aslanov. Yanında işlədiyim üçün demirəm, İlqar həqiqətən də istəkli məşqçidi, öyrənir, kurslara gəlir, öz üzərində çalışır. Ona Bironun yanında şans vermək olar. 2, hətta 3-cü məşqçi kimi. Əsas odur ki, inkişaf etsin və gələcəkdə Azərbaycan futzalına fayda versin.
Söhbətləşdi: FƏRƏC
“Layihə AFFA yanında Media Komitəsi tərəfindən maliyyələşdirilir”
Şərh yazılmayıb
|
ŞƏRH YAZ
|
Çox oxunan xəbərlər
- Milli komandamızın yeni baş məşqçisi müəyyənləşib: Mayın əvvəli Bakıya gəlir
- Asif Məmmədov: “Kimsə bunu sübut etsə, üzr istəməyə hazıram”
- AFFA İcraiyyə Komitəsinin üzvü: “Premyer Liqada klub sayının artırılması gündəmdədir”
- Rövşən Nəcəf: “Etimadı doğrultmaq üçün əlimdən gələni edəcəm”
- Qurbanovdan nümunəvi addım
- Minifutbol millimizin heyəti narazılıqla qarşılandı, baş məşqçi danışmaq istəmədi
- Basketbol federasiyasının diqqətinə: Təhlükəsizliyə bu qədər biganə yanaşmaq olmaz!
- Prezidentin nəvəsindən Qara Qarayevə dəstək
- Azər Bağırov: “Futbolçular tapşırıqları icra etmirlər”
- “Aznur”un baş məşqçisi: “Mənim üçün “Birbaşa Bakı” “Zirə”dən daha narahat rəqibdir”
- Ayxan Abbasov: “Komanda adı çəkmək mənə yaraşmaz, amma bu söhbətlər olacaq”
- Avropa çempionatında möhtəşəm nəticə
- 90-cı dəqiqədə meydana çıxdı, “Neftçi” - “Araz-Naxçıvan” oyununun ən yaxşısı seçildi
- Hakimlər “kimə işləyir”? - Araşdırma
- Klublar Komitəsinin iclası keçirilib
-
18:19
Abu Dosso: “Sumqayıt”ın potensialı avrokuboklarda oynamağa imkan verir”
-
17:58
Bakıda keçiriləcək bədii gimnastika üzrə Avropa Kubokunun mükafat fondu açıqlanıb
-
17:42
Azərbaycanlı nümayəndə ilk dəfə Avropa çempionatında
-
17:25
Şahin Bağırov Azərbaycan voleybol millisinin üzvləri ilə görüşüb
-
17:03
Azərbaycanı Bakıdakı Avropa Kubokunda təmsil edəcək gimnastlar müəyyənləşib
-
16:51
"Qusar" Ağdaşdan qələbə ilə qayıtdı VİDEO
-
16:37
“Prezident kuboku-2024” reqatasının birinci gününə yekun vuruldu
-
15:44
Çingiz Hüseynzadə: "Bu yarış gənc avarçəkənlərimiz üçün böyük təcrübədir"
-
14:16
Premyer Liqamızda apreldə vurulan 5 ən gözəl qol VİDEO
-
14:08
AMADA təmiz idman təbliğatını Suqovuşanda davam etdirir
-
13:32
“Sərhədçi”nin baş məşqçisi: "Ümid edirəm ki, yaxşı oyunla qələbə qazanacağıq”
-
12:29
I Liqada hakim təyinatları açıqlandı
-
12:15
Prezident Kuboku-2024" reqatasının Füzulidə də keçirilməsi planlaşdırılır
-
11:53
Suqovuşanda “Prezident Kuboku-2024” reqatasının açılış mərasimi keçirilib
-
10:41
Millimiz Rumıniyaya uduzub, Bosniya və Herseqovinanı darmadağın edib
-
10:17
Ülviyyə Fətəliyeva: "Vətənimə qızıl medalla qayıtmaq qürurvericidir"
-
09:30
"Bavariya" - "Real" matçında 4 qol VİDEO
-
22:22
Azərbaycanın iki idmançısı Olimpiadaya vəsiqə qazandı
-
21:38
Pley-off start götürdü: “Neftçi” uduzdu
-
21:00
“Şahdağ Qusar” - “Füzuli” oyununda 6 qol VİDEO
-
18:49
II Liqada 23-cü tura yekun vuruldu
-
18:34
Millimizin “Böyük Dəbilqə” üçün heyəti açıqlanıb
-
17:55
Stolüstü tennis üzrə Azərbaycan birinciliyi keçiriləcək
-
16:31
Şəhriyar gerilədi, Teymur irəlilədi
-
16:17
Musa Qurbanlı: “Hamı mənə dəstəkdir”
-
16:00
ETOPAZ-ın baş sponsorluğu ilə keçirilən “Fire League”da qrup mərhələsi başa çatdı FOTOLENT
-
15:48
Millimiz Qızıl Avropa Liqası öncəsi məşqlərə start verib
-
14:52
Mingəçevirdə “Prezident Kuboku-2024” reqatasının iştirakçılarının rəsmi paradı olub
-
14:25
U-21 millimiz yoldaşlıq oyunu keçirəcək
-
14:03
AFFA 2 kluba texniki məğlubiyyət verdi
-
13:36
Azərbaycanı Göygöldə keçiriləcək Avropa Kubokunda 147 cüdoçu təmsil edəcək
-
13:19
“Zirə”nin yarımmüdafiəçisi: “Hakimlərə etiraz etməyimiz normaldır”
-
12:54
Azərbaycanın iki şahmatçısı Avropa çempionatında xüsusi mükafata layiq görülüb
-
11:41
"Qarabağ" - "Neftçi" oyununun yeri dəyişdirildi
-
10:27
Millimizin üzvündən məhsuldar ötürmə VİDEO
-
10:02
"Barselona"dan əzmkar qələbə VİDEO
-
09:38
İqor Ribeyro: “Tanrıya şükürlər olsun ki, üzümüzü güldürdü”
-
09:15
Tarixi medal qazanan Azərbaycan gimnastı Vətənə dönüb
-
22:47
Cəlalın komandası qələbəni əldən verdi VİDEO
-
22:18
Zirədə tək qol VİDEO
-
22:00
Rəşad Sadıqov: “Bu gün ən azı 7-8 xal fərqlə 2-ci yerdə olmalı idik” VİDEO
-
21:32
Elmar Baxşıyev: "Prinsipim Rəşad Sadıqovla deyil"
-
20:54
“Zirə”dən gözlənilməz məğlubiyyət
-
20:41
Mehriban Əliyeva Avropa çempionunu təbrik etdi
-
18:26
Millimizin Albaniya ilə oyununun məkanı və saatı bilindi
-
18:00
Bəhlul Mustafazadə: “Neftçi”nin adı əlavə motivasiyadır”
-
17:43
Azərbaycanın çimərlik voleybolu yığmaları Türkiyəyə toplanışa yollanıblar
-
17:17
Avropa çempionumuz: "Arzum həyata keçdi"
-
16:54
Ozobiç: "Yalnız birlikdə uğur qazana bilərik”
-
16:36
Fətəliyeva Avropa çempionu oldu
01.05.2024
30.04.2024
29.04.2024
Arxiv
May 2024 |
B.e | Ç.a | Ç | C.a | C | Ş | B |
01 | 02 | 03 | 04 | 05 | ||
06 | 07 | 08 | 09 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | ||