“Barselona” “Atletiko” önünə itki ilə çıxacaq

“Barselona”nın futbolçusu Rodri La Liqanın növbəti turunda “Atletiko” ilə oyunu buraxacaq.

Futbolxeber.az saytının məlumatına görə, buna yarımmüdafiəçinin Çempionlar Liqasının 4-cü turunda “Aston Villa” ilə matçda (3:0) aldığı zədə səbəb olub.

Tibbi müayinədən sonra Rodrinin sağ ayağının arxa bud əzələsində yüngül zədə aşkarlanıb. Futbolçu “Aston Villa” ilə görüşün fasiləsində əvəzlənib.

Onun bərpa müddəti zədənin sağalma prosesindən asılı olacaq. Buna baxmayaraq, Rodrinin "Atletiko" ilə matçda komandasına kömək edə bilməyəcəyi dəqiqdir.

Qeyd edək ki, “Atletiko” – “Barselona” qarşılaşması noyabrın 8-də keçiriləcək.