“Bu qələbə ilə sübut etdik ki...”

"Bu, bizim turnir cədvəlinin liderlər qrupunda qərarlaşan klublara qarşı ardıcıl üçüncü oyunumuz idi. Ardıcıl 3 ağır oyun keçirdik və 7 xal qazandıq. Bu qələbə ilə sübut etdik ki, çempionatda “Xəzər Lənkəran” da var".  Futbolxeber.az-ın məlumatına görə, bu sözləri “Qəbələ” ilə oyundan sonra "Xəzər Lənkəran"ın baş məşqçisi Mustafa Dənizli deyib.

Təcrübəli mütəxəssis komandasının xarakter nümayiş etdirdiyini qeyd edib: “Yaxşı seriya əldə etdik. Fiziki və psixoloji olaraq qarşıdakı oyunlara hazır olmalıyıq. Liderlərlə görüşlərdə 6 qol vurduq. Yaxşı nəticədir. Bu gün xarakter nümayiş etdirdik. Bu oyuna görə oyunçularıma minnətdaram".