PFL sponsorluqla bağlı 3-4 şirkətlə danışıqlar aparır

Peşəkar Futbol Liqası (PFL) hazırda Azərbaycan kubokunun sponsoru olmaq istəyən 3-4 şirkətlə danışıqlar aparır.

Futbolxeber.az saytının məlumatına görə, bu sözləri PFL-in texniki-idman direktoru Elgiz Abbasov bildirib.

O, bu haqda suala cavabında deyib: “Püşkatmadan öncə yekun detalları PFL-in media və marketinq departamentinin direktoru Sənan Abdullayevlə də müzakirə etdik. Hazırda 3-4 şirkətlə aktiv danışıqlarımız davam edir. Ümid edirik ki, müsbət nəticə əldə edəcəyik. Bəzi şirkətlərə biz müraciət etmişik. Lakin elə şirkətlər də var ki, onlar özləri bizə müraciət ediblər. Seçimimiz elə şirkət olmalıdır ki, Azərbaycan kubokunun adını özündə yaxşı şəkildə ehtiva edə bilsin. Danışıqlar gedir. Tələsmirik deməzdim. Çünki biz də bu prosesin tez bir zamanda yekunlaşmasını istəyirik ki, finalla bağlı müvafiq layihələrimizin icrasını planlaşdıraq”.