“Qarabağ”ın oyununun biletləri satışda

Azərbaycan Premyer Liqasının VI turu çərçivəsində keçiriləcək “Qarabağ” - “Şəfa" ilə oyununun biletləri bu gün saat 12:00-dan etibarən satışdadır.

Futbolxeber.az saytının məlumatına görə, bu barədə Ağdam klubunun mətbuat xidməti açıqlama yayıb.

Biletlərin qiyməti sektorlara uyğun olaraq dəyişir və 5-20 manat aralığındadır.

Biletlər bu gün saat 12:00-dan etibarən artıq iTicket.az-da onlayn satışdadır.

Oyun günü isə azarkeşlər biletlərini stadionun kassalarından və ya iTicket.az-dan əldə edə bilərlər.

Qapılar azarkeşlər üçün matçın start fitindən 120 dəqiqə əvvəl açılacaq.