“Kəpəz” moldovalı yarımmüdafiəçi transfer edib

Transfer çalışmalarını davam etdirən “Kəpəz” heyətini daha bir futbolçu ilə gücləndirib.

Futbolxeber.az saytına klubun mətbuat xidmətindən verilən məlumata görə, Gəncə təmsilçisi moldovalı yarımmüdafiəçi Viktor Stinanın keçidini rəsmiləşdirib. 28 yaşlı hücumameyilli yarımmüdafiəçi ilə mövsümün sonunadək müqavilə imzalanıb.

Qeyd edək ki, son olaraq Moldovanın “Zimbru” klubunun formasını geyinən Viktor Stina ölkəsinin milli komandasında da çıxış edib. O, Moldova yığmasının heyətində keçirdiyi 30 oyunda 4 qola imza atıb.