Nəriman Axundzadə Türkiyə klubuna keçir

“Kolambus Kryu”da çıxış edən Azərbaycan yığmasının hücumçusu Nəriman Axundzadə klubunu dəyişir.

Futbolxeber.az saytının məlumatına görə, 23 yaşlı forvard karyerasını Türkiyədə davam etdirəcək. O, gələn mövsümdən Superliqada mübarizə aparacaq “Erzurumspor“la anlaşıb.

Tezliklə Türkiyəyə gələcək Axundzadə tibbi müayinədən uğurla keçdikdən sonra rəsmi müqaviləyə imza atacaq. Nərimanın yeni klubuna icarə əsasında qoşulacağı gözlənilir.

Qeyd edək ki, N.Axundzadə bu ilin yazında “Qarabağ”dan “Kolambus Kryu”ya transfer olunub. O, ABŞ təmsilçisi ilə 3,5 illik müqavilə imzalayıb.