U-20 yığmamız Pakistana qalib gəldi

Qəbələdə təlim-məşq toplanışında olan 20 yaşadək futbolçulardan ibarət Azərbaycan milli komandası bu gün yoxlama oyunu keçirib.

Futbolxeber.az saytının məlumatına görə, komanda Pakistan yığması ilə üz-üzə gəlib. Qəbələ şəhər stadionunda keçirilən matç millimizin 1:0 hesablı qələbəsi ilə başa çatıb. Matçdakı yeganə qolu 31-ci dəqiqədə Hikmət Cəbrayılzadə vurub.

Qeyd edək ki, bu, U-20-nin portuqaliyalı mütəxəssis Rui Jorjenin rəhbərliyi altında ilk oyunu idi.