“AZAL bizə heç nədən qol vurdu”

“Oyunun əvvəlində hesabda irəli cıxdıq və hər iki qolumuz gözəl alındı”. Futbolxeber.az-ın məlumatına görə, bu sözləri AZAL-la oyundan sonra “İnter”in baş məşqçisi Kaxaber Tsxadadze deyib.

Gürcü məşqçi komandasından razı qaldığını bildirib: “Rəqib bizə qarşı başa-baş oyun göstərdi. Hətta, deyərdim ki, oyun boyu, bu, bizə çətinlik yaratdı. Komandamın oyunundan razı qaldım. Vaqif müəllimin fikrinə hörmətlə yanaşıram. Onlar bizə heç nədən qol vurdular, bizim qollarımız isə baxımlı alındı. Onların qolunu gözləmirdik”.