“Berdiyev illərdir fərqli komandalarla nəticə qazanmağı bacarır”

“Qəbələ” və “Araz-Naxçıvan”ın sabiq baş məşqçisi Elmar Baxşıyev “Turan Tovuz”un son həftələrdə Azərbaycan Premyer Liqasındakı uğurlu çıxışını şərh edib.

Futbolxeber.az saytına müsahibəsində təcrübəli mütəxəssis Tovuz klubunun avrokuboklar yolunda addımladığını bildirib:

“Turan Tovuz” son oyunlarda stabillik əldə edib. Komanda ard-arda çox önəmli qələbələr qazanır. Bu qələbələr sayəsində “Turan Tovuz” avrokuboklara yaxınlaşıb. Komanda artıq üçüncü pillədəki yerini möhkəmləndirir”.

E.Baxşıyev Tovuz klubunun uğurlu çıxışında baş məşqçi amilini qabardıb:

“Kurban Berdıyev zəngin təcrübəyə malik məşqçidir. O, illərdir fərqli komandalarla nəticə qazanmağı bacarır. Berdıyev necə yaxşı mütəxəssis olduğunu çoxdan sübut edib”.