Bunu da gördük: “İmişli” meydana başqa komandanın forması ilə çıxdı

AFFA İntizam Komitəsi “İmişli” klubunu cərimələyib.

Futbolxeber.az saytının məlumatına görə, bu barədə komitənin bu gün açıqlanan qərarında bildirilib.

Qeyd edilib ki, 22 fevral 2026-cı il tarixində AFFA U-13 Liqasında keçirilən “İmişli” PFK - “Hacıqabul” (Şərq) oyununda “İmişli” PFK komandası meydana başqa komandaların formaları və nömrəsi olmayan formalar ilə gəlib.

Bu səbəbdən “İmişli” PFK 500 AZN məbləğində cərimə edilib. Kluba bu halın növbəti dəfə təkrarlanacağı halda yarışdan (U-13 - red.) kənarlaşdırılması ilə bağlı xəbərdarlıq edilib.