Demçenko: “Futbolçularım döyüşdülər”

"Yaxşı oynadıq və istədiyimiz üç xalı qazandıq. Futbolçularım döyüşürdülər, qələbə üçün hər şeyi etdilər. Görmək istədiklərimizi gördük, futbolçuların istəyi var idi. Öyrənməli olduğumuz nüanslar var ki, işləməliyik. Futbolçulara da təşəkkürümü etdim. Aydın idi ki, hamı bu gün can yandırırdı".

Futbolxeber.az saytının məlumatına görə, bu sözləri “Araz-Naxçıvan”ın baş məşqçisi Andrey Demçenko Azərbaycan Premyer Liqasının 20-ci turunda “Sumqayıt”a 1:0 hesabı ilə qalib gəldikləri görüşdən sonra deyib.

O, jurnalistlərin suallarını da cavablandırıb.

- Sizin üçün daha önəmli olan bir qələbə ilə futbolçuların psixolojini durumunu düzəltmək idi, yoxsa istənilən halda oyun sisteminizi qəbullandırmaq üçün zamana daha çox ehtiyacınız var?

- Biz sistem üzərində çalışırıq. Vacib olan odur ki, futbolçularda istəyi gördük. Futbolçuların hamısı motivasiyalıdır, özgüvənləri yerindədir.