Volkan Dəmirəl: “Neftçi” ilə oyun “Fənərbaxça”nın səviyyəsini əks etdirmir”

“Fənərbaxça”nın qapıçısı Volkan Dəmirəl “Neftçi”yə qarşı keçirdikləri yoxlama oyunundan (0:0) danışıb. Futbolxeber.az-ın məlumatına görə, təcrübəli qolkiper azarkeşlərə nəticəyə görə narahat olmamağı məsləhət görüb: “Neftçi” ilə yoxlama görüşü “Fənərbaxça”nın səviyyəsini, vəziyyətini əks etdirmir. Azərbaycan futbolu yükslişdədirsə, bu gün də gözəl oynadılar. Həm Azərbaycan yığmasına, həm də “Neftçi”yə gələcəkdə də uğurlar arzulayıram. Bu, sadəcə yoxlama oyunu idi. Təlim-məşq toplanışının sonu olduğundan yorğunluq da bir az özünü göstərdi. Heç bir psixoloji gərginliyimiz yox idi. Bərabər səviyyəli oyun keçdi. Adi yoxlama oyunu olduğundan bunu böyütməyə ehtiyac yoxdur. Həm də azəri qardaşlarımızla oynadıq. Onları yaxşı oyun münasibətilə təbrik edirəm”.