Ruslan Abışov üçün “Kayserispor”, “Ludoqorets” və “Paderborn”

Bu gündən etibarən Antalyanın Bələk bölgəsində hazırlığa başlayan “Rubin”in yoxlama görüşündə qarşılaşacağı rəqiblərin adları bəlli olub. Futbolxeber.az-ın məlumatına görə, Ruslan Abışovun formasını geydiyi Kazan klubu hazırlıq prosesi çərçivəsində 3 yoxlama görüşü keçirəcək. İlk oyun yanvarın 19-da keçiriləcək və həmin gün “Rubin” “Kayserispor”la üz-üzə gələcək. Yanvarın 22-də gücünü Bolqarıstan çempionu “Ludoqorets”lə sınayacaq kazanlılar təlim-məşq prosesi çərçivəsində son oyunu ikinci Bundesliqada mübarizə aparan “Paderborn”la qarşılaşacaq.