“Neftçi” “Sumqayıt”la oyuna hazırdır

“Neftçi” Azərbaycan Premyer Liqasının 5-ci turunda qarşılaşacağı “Sumqayıt”la matçın hazırlığını başa vurub.

Futbolxeber.az saytının məlumatına görə, “ağ-qaralar” bu gün “Palms Sports” Futbol Mərkəzində oyunöncəsi son məşqə çıxıb.

3 matçlıq cəza səbəbindən ötən tur “Sabah”la görüşü buraxan İqor Ribeyro bu dəfə də komandasına kömək edə bilməyəcək.

Qeyd edək ki, sentyabrın 21-də Mehdi Hüseynzadə adına Sumqayıt şəhər stadionunda keçiriləcək “Sumqayıt” - “Neftçi” oyunu saat 19:30-da başlanacaq.