“Braqa”dan “Qarabağ”a mesaj: “Sizin üçün darıxmışıq”

Portuqaliyanın “Braqa” klubu rəsmi Tik-Tok səhifəsində “Qarabağ”la bağlı paylaşım edib.

Futbolxeber.az saytının məlumatına görə, paylaşım UEFA Çempionlar Liqasının “Benfika” - “Qarabağ” oyununa (2:3) həsr olunub.

“Benfika”lı futbolçunun matç bitəndə məyus halda çəkilən şəklini yayımlayan braqalılar onun üzərinə bu sözləri yazıb: “Qarabağ” Portuqaliyaya gələndə, amma Braqaya deyil”.

Həmçinin paylaşımda bu sözlər qeyd edilib: “Biz sizin üçün darıxmışıq”.

Xatırladaq ki, “Qarabağ” 2024-cü ildə Avroliqanın pley-off mərhələsində “Braqa” ilə qarşılaşıb. Səfərdəki oyunda Ağdam təmsilçisi 4:2 hesabı ilə qalib gəlib, Bakıda isə uduzub (2:3). İki oyunun cəmində 6:5 hesabı ilə qalib gələn Qurban Qurbanovun komandası növbəti mərhələyə yüksəlib.