Pedro Pinto: “Neftçi” ilə oyunda azarkeşlərin dəstəyinə ehtiyacımız var”

“Sumqayıt”ın yarımmüdafiəçisi Pedro Pintonun Futbolxeber.az saytına müsahibəsi

- Azərbaycan Premyer Liqasının dördüncü turunda “İmişli”yə uduzdunuz. 0:1 hesablı məğlubiyyəti necə şərh edərdiniz?

- Düzünü desəm, rəqibi təəccübləndirməyi bacardıq. Amma fərqlənən onlar oldular. Əminliklə deyə bilərəm ki, vurduqları qol yalnız bəxt amilinə əsaslanır. Razıyam, onların fərqlənmək üçün imkanı oldu, amma biz "İmişli"dən daha çox qol fürsəti yaratdıq. Belə hallar olur. Biz oyunumuza bir daha diqqətlə baxmalı, etdiyimiz səhvləri təhlil edib ondan nəticə çıxarmalıyıq.

- Uduzmağınıza baxmayaraq artıq matç ərzində məlumat yayıldı ki, rəqibə texniki məğlubiyyət veriləcək...

- Oyunun gedişində bu barədə məlumatlı deyildim. Rəsmi qərar açıqlanmadan şərh verə bilməyəcəm.

- “İmişli” ilə matçda favorit göstərilsəniz də, uduzdunuz. Bunu nə ilə əlaqələndirmək olar?

- Bir qədər sakit, təmkinlə oynamağımıza ehtiyacımız var. Ümumilikdə baxımlı oyun nümayiş etdirdik, rəqibə epizod yaratmağa imkan vermədik. Bizim çatışmazlığımız hücumlarda bitiriciliyin olmamasıdır. Bunu həll edə bilsək, hər matçdan 3 xalla ayrılarıq.

- Qazonun oyununuza təsir etdiyini xüsusi vurğulamaq olar?

- Qazon yaxşı vəziyyətdə deyildi. Yağışın yağması ot örtüyünü daha da pis hala salmışdı. Qazon olduqca yumşaq idi. Bu, yaxşı oyun sərgiləməyimizə əngəl törətdi. 

- Növbəti matçlarda ard-arda "Neftçi", "Sabah", "Turan"a qarşı oynayacaqsınız. Fikrinizcə, "Sumqayıt" bu gərgin qrafika hazırdır?

- Hər matça qalib gəlmək üçün çıxırıq. Güclü rəqibə qarşı xüsusi motivasiya ilə çıxırıq. "Neftçi"ni tanıyırıq, rəqibin keyfiyyətinə, oyun üslubuna bələdik. Qalib gəlmək üçün var-gücümüzü ortaya qoyacağıq.

- Azarkeşlərə nə demək istərdiniz?

- Onlara xüsusi təşəkkürümü bildirirəm. Bizə səfərdə olduğumuzu hiss etdirmədilər, sanki doğma meydanda matça çıxmışdıq. Bizi dəstəkləməyə davam etsinlər. Xüsusilə, növbəti tur "Neftçi"yə qarşı matçda onların dəstəyinə ehtiyacımız var.

Azad Nuriyev