“Qarabağ” test verdi

“Qarabağ” hazırlıqlarını davam etdirir. Futbolxeber.az-ın klubun rəsmi saytına istinadən verdiyi məlumata görə, Antalyada keçirilən təlim-məşq toplanışı çərçivəsində komanda bu gün səhər çalışmasına yerli vaxtla 11:00-da çıxıb. “Qarabağ”ın səhər çalışmasında ənənəvi olaraq laktat testi həyata keçirilib. Türkiyənin Niğde universitetindən gəlmiş xüsusi qrup futbolçulardan təlim-məşq toplanışının startında ümumi fiziki hazırlığı müəyyənləşdirmək üçün test götürüblər. Emin Süelin başçılıq etdiyi qrup müəyyənləşdirilmiş ərazidə futbolçuların qaçışla nəbzi arasında yaranmış təsbitə əsasən ümumi analitik ölçülər haqqında bilgilər əldə ediblər. “Qarabağ”ın 2-ci məşqi yerli vaxtla 17:00-a təyin olunub. Çalışma fitness salonunda baş tutacaq.