"Qarabağ" ÇL-in Liqa mərhələsində!

Bu gün Azərbaycan çempionu "Qarabağ" Çempionlar Liqasının pley-off mərhələsində cavab oyununa çıxıb.

Futbolxeber.az saytının məlumatına görə, Ağdam təmsilçisi Bakıda Macarıstan "Ferensvaroş"unu qəbul edib. Tofiq Bəhramov adına Respublika Stadionunda keçirilən görüş qonaqların 3:2 hesablı qələbəsi ilə başa çatıb. Lakin bu komandalar arasında ilk matçda "Qarabağ" 3:1 hesablı qələbə qazandığından çempionumuz ümumi nəticədə üstün olub - 5:4.

Bununla da "Qarabağ" tarixində 2-ci dəfə Çempionlar Liqasının əsas mərhələsinə yüksəlib. Qurban Qurbanovun komandası 2017-ci ildə Avropanın 1 nömrəli klub turnirinin qrup mərhələsində mübarizə aparmışdı.

Çempionlar Liqası

Pley-off, cavab oyunu

27 avqust

"Qarabağ" (Azərbaycan) - "Ferensvaroş" (Macarıstan) - 2:3

Qollar: Cosef, 12 (0:1), Leandro Andrade, 25 (1:1), Abdullah Zubir, 45 (2:1), B.Varqa, 55 - pen. (2:2), Tof, 81 (2:3)

Baş hakim: Kleman Tyurpen (Fransa)

Tofiq Bəhramov adına Respublika Stadionu

İlk oyun - 3:1