“Sumqayıt” “Kəpəz”i məğlub etdi

Qəbələdə təlim-məşq toplanışında olan “Sumqayıt” bu gün hazırlıq prosesi çərçivəsində növbəti yoxlama oyununu keçirib.

Futbolxeber.az saytının məlumatına görə, Saşa İliçin komandası “Kəpəz”lə üz-üzə gəlib. 

Qəbələ şəhər stadionunda keçirilən görüş "Sumqayıt"ın 2:1 hesablı qələbəsi ilə yekunlaşıb. "Sumqayıt"da yeni transfer Rüstəm Əhmədzadə dubl edib. "Kəpəz"də isə Arzu Atakişiyev fərqlənib.

Qeyd edək ki, yay hazırlıq toplanışında daha əvvəl "Sumqayıt" "İmişli" ilə 0:0 hesablı heç-heçə etmişdi. "Kəpəz" isə bunadək "Qəbələ" (0:2) və "Şamaxı"ya (1:6) uduzub.