“Neftçi”nin Polşada qarşılaşacağı daha iki rəqib müəyyənləşdi

“Neftçi”nin Polşa toplanışı çərçivəsində keçirəcəyi yoxlama oyunlarındakı daha iki rəqibi müəyyənləşib.

Futbolxeber.az saytına bu barədə klubun mətbuat xidmətindən məlumat verilib.

Flaqman iyulun 17-də Təl-Əvivin “Hapoel”, 22-də isə Polşanın “Termalitsa” klubu ilə üz-üzə gələcək.

Qeyd edək ki, hazırlıq prosesinə iyunun 25-də başlayan “Neftçi” hazırlığın ilk hissəsini iyulun 14-dək Bakıda keçirib. Toplanışın ikinci mərhələsi isə iyulun 15-dən avqustun 2-dək Polşanın Keltse şəhərində təşkil olunacaq.

“Binkovski Hotel”də məskunlaşacaq komandanın digər yoxlama görüşləri iyulun 27-də “Asteras" (Tripolis, Yunanıstan), avqustun 1-də isə AEL (Kipr) klubuna qarşı olacaq.