“Rəvan”dan hələ ki heç bir futbolçu getməyib” ÖZƏL

“Ayın 31-nə kimi Antalyada məskunlaşacağımız otelin adı bəlli olacaq. Otelin adı müəyyənləşdikdən sonra rəqib tapmaq problem deyil. Çünki qışda Antalyada xeyli sayda komanda hazırlıq keçir”. Futbolxeber.az saytına verdiyi açıqlamada bu sözləri “Rəvan”ın baş məşqçisi Şahin Diniyev deyib.

Təcrübəli mütəxəssis hələlik heç bir futbolçunun “Rəvan”la yollarını ayırmadığını qeyd edib: “Mənbuatdan mən də oxumuşam ki, 4 futbolçu “Rəvan”dan gedib. Amma tam səmimi deyirəm ki, bu düzgün informasiya deyil. Nə mən, nə mətbuat katibimiz, nə də vitse-prezidentimiz mətbuata belə bir açıqlama verməyib. Komandadan göndəriləcək futbolçuların adlarını yanvarın 5-də açıqlayacağıq. Odur ki, hazırda heç bir futbolçu “Rəvan”la yollarını ayırmayıb”.