Foqts: “Ronaldo dünyanın ən güclüsüdür”

Milli komandamızın baş məşqçisi Berti Foqts “Qızıl top” mükafatını uğrunda səsvermədə Kriştiano Ronaldonu birinci layiq görməsinin səbəbini açıqlayıb. Futbolxeber.az-ın məlumatına görə, təcrübəli mütəxəssis Ronaldonun hazırda ən güclü futbolçu olduğunu qeyd edib: “Ronaldo Portuqaliya millisinin və “Real”ın lideridir. Yekun nəticəni müəyyənləşdirmək gücündə olan futbolçudur”.

Foqts dünyanın ən yaxşı məşqçisi adına namizədlər siyahısında isə “Bavariya”nın sabiq çalışdırıcısı Yupp Haynkesi göstərib: “O, ötən mövsüm “Bavariya”ya bütün mükafatları qazandırdı. Buna görə də Haynkes ən yaxşı məşqçi adını qazanmağa layiqdir”.