Səbuhi Abdullazadə: “8-ci olmuşuqsa, hamı günahkardır”

“Mövsüm daha yaxşı ola bilərdi. 8-ci yer heç də ürəkaçan nəticə deyil”.

Futbolxeber.az saytına açıqlamasında bu sözləri “Sumqayıt”ın yarımmüdafiəçisi Səbuhi Abdullazadə deyib.

O bildirib ki, komandanın uğursuzluğunda hər kəsin günahı var: “Uğursuz olmağımızın səbəbləri var. İndi bu barədə çox danışmaq istəmirəm. Yalnız onu deyə bilərəm ki, başda biz futbolçular olmaqla hamı günahkardır”.

Abdullazadə hazırda gələcək karyerası barədə düşünmədiyini vurğulayıb: “Bu dəqiqə fikrimi yalnız milliyə yönəltmişəm. Qarşıdan yoxlama oyunları gəlir. Fikrim yalnız həmin matçlardadır. Gələcək karyeramla bağlı hər şey ola bilər”.

“Sumqayıt”ın üzvü qeyd edib ki, milli komandaya dəvətin özü motivasiyadır: “Milliyə dəvət almaq xoş hissdir. İnşallah, daimi olar. Əlimizdən gələni edəcəyik ki, qarşıdakı matçlarda yaxşı nəticələr qazanaq. Əlavə motivasiyaya ehtiyac yoxdur. Çünki milliyə dəvət almaq özü elə ən böyük motivasiyadır”.

TAĞI