Balokoq və Yunuszadə 2, Əliyev və Şükürov 1 oyunluq cəzalandı

Bu gün AFFA İntizam Komitəsinin növbəti iclası keçirilib. Futbolxeber.az-ın məlumatına görə, 20 dekabr 2013-cü il, 2013/2014 mövsümündə, XXII Azərbaycan Premyer Liqasının XVIII turunun “Qəbələ” - “Bakı” matçının 90+2-ci dəqiqəsində “Bakı” klubunun 43 №-li futbolçusu Şəhriyar Əliyev idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanıb, klub 200 manat cərimə olunub.

“Rəvan” - “Simurq” oyunun 59-cu dəqiqəsində “Rəvan” klubunun 40 №-li futbolçusu Mişel Balokoq kobud oyuna görə birbaşa qırmızı vərəqə alaraq meydandan kənarlaşdırıldığı üçün futbolçu 2 oyunluq cəzalanıb, klub 2000 manat cərimə olunub.

AZAL - “Neftçi” matçının 80-ci dəqiqəsində “Neftçi” klubunun 22 №-li futbolçusu Mahir Şükürov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanıb, klub 200 manat cərimə olunub.

Oyunun 83-cü dəqiqəsində “Neftçi” klubunun 32 №-li futbolçusu Elvin Yunuszadə kobud oyuna görə birbaşa qırmızı vərəqə alaraq meydandan kənarlaşdırıldığı üçün futbolçu 2 oyunluq cəzalanıb, klub 2000 manat cərimə olunub.