“Mingəçevir” darmadağınla qələbə həsrətinə son qoydu

Birinci Liqada 23-cü tura start verilib.

Futbolxeber.az saytının məlumatına görə, son 4 turda xal itkiləri ilə üzləşən “Mingəçevir” öz meydanında “Baku Sportinq”i qəbul edib.

Matç Füzuli Məmmədovun komandasının böyük hesablı qələbəsi ilə yekunlaşıb. “Mingəçevir” darmadağınla qələbə həsrətinə son qoyub.  

“Mingəçevir” - “Baku Sportinq” - 4:0

Qollar: Taleh Fərmanov, 5, Nahid Əliyev, 25; 46, Usman Abba, 66

Bu qələbə sayəsində xallarının sayını 25-ə çatdıran Füzuli Məmmədovun komandası turnir cədvəlində 7-ci pilləyə yüksəlib. “Mingəçevir” dördüncü yerdə qərarlaşan “Zaqatala”dan cəmi 3 xal geri qalır.