Redon Cica: “Bir neçə klub məni icarəyə götürmək istəyirdi”

“Qarabağ”ın albaniyalı futbolçusu Redon Cica qışda ölkəsindən bir neçə klubun onu transfer etmək istədiyini bildirib.

Futbolxeber.az saytının məlumatına görə, 26 yaşlı hücumçu Albaniyanın “Panorama” nəşrinə açıqlamasında deyib ki, sonda Ağdam klubunda qalmağa qərar verib:

"Bəli, düzdür, yanvarda bir neçə klub məni icarəyə götürmək üçün maraqlandı, amma çox müzakirələrdən sonra “Qarabağ”da qalmağa qərar verdim".

Qeyd edək ki, Redon 2023-cü ilin yanvar ayında “Tirana”dan “Qarabağ”a keçib. O, bu mövsüm Ağdam klubun ümumilikdə 17 oyuna çıxıb və 4 qol vurub.