“Neftçi”nin rəsmi mağazası onlayn fəaliyyətə başladı

“Neftçi”nin rəsmi mağazası bu gün onlayn fəaliyyətə başlayıb.

Futbolxeber.az-ın klubun saytına istinadən verdiyi məlumata görə, rəsmi mağaza “Neftçi” azarkeşlərinə sevimli komandalarına və klub tarixinə olan bağlılıqlarını ifadə etmələri üçün geniş məhsul çeşidi təqdim edir. Burada “Neftçi”nin yeni mövsüm formaları, outlet kolleksiyası satışdadır. Yaxın vaxtlarda aksesuarlar, hədiyyəlik məhsullar və daha çoxunu tapmaq mümkün olacaq.

Bununla bağlı məlumatda deyilir: “Neftçi” azarkeşləri üçün xüsusi dizaynlar, yüksək keyfiyyətli məhsullar və klubun rəngləri ilə bəzədilmiş bir çox şeyi “Neftçi” rəsmi mağazasında əldə edə bilərsiniz. Yalnız məhsul deyil, eyni zamanda, “Neftçi” sevgisini, tarixini və ruhunu yaşamaq istəyirsinizsə, doğru yerdəsiniz. Sizi hər zaman “Neftçi” rəsmi mağazasında gözləyirik!”

Keçid: https://store.neftchi.az/