“Mingəçevir”in qələbə həsrəti bitdi

I Liqada 15-ci turun oyunları keçirilir.

Futbolxeber.az saytının məlumatına görə, səfərdə “Baku Sportinq”lə qarşılaşan “Mingəçevir” 1:0 hesabı ilə qalib gəlib. Aqil Nəsibovun 79-cu dəqiqədə vurduğu qol Füzuli Məmmədovun komandasına qələbə qazandırıb.

Bununla da “Mingəçevir” 14 turluq qələbə həsrətinə son qoyub. Komanda sonuncu dəfə ilk turda - səfərdə MOİK-i 2:1 hesabı ilə məğlub etmişdi. Qələbə sayəsində “Mingəçevir” xallarının sayını 11-ə çatdırıb.

Komandaya yeni baş məşqçi təyin olunan Füzuli Məmmədovun işi artıq görünür. Məhz təcrübəli mütəxəssisin gəlişindən sonra “Mingəçevir” son 3 turda 5 xal toplamaqla liqada qalmaq uğrunda sonadək mübarizə aparacağını nümayiş etdirir.