“Foqts millimizdə qalmalıdır”

“Sorğuda mənə səs verən hər kəsə təşəkkürümü bildirirəm. Arzu edirəm ki, hər bir futbolçu layiq olduğu şəkildə bu adı qazana bilsin. Yerli futbolçuların mükafat qazanması sevindirici haldır. Bunun ardıcıl olmasını arzulayıram”. Futbolxeber.az-ın məlumatına görə, bu sözləri Azərbaycan Premyer Liqasında noyabr ayının ən yaxşı oyunçusu seçilmiş Vaqif cavadov deyib.  

Cavadov Foqtsun millimizdə qalmalı olduğunu bildirib: “Futbolumuzu yerli oyunçuların qaldıracağına inanıram. Milli komandanın baş məşqçisi haqqında çox fikirlər səslənir. Yeni baş məşqçinin təyin olunması İcraiyyə Komitəsinin səlahiyyətindədir. Mənim fikrimcə, Berti Foqts qalmalıdır. Milli komandanın qazandığı nəticələr vacibdir. Son oyunlardakı kimi çıxış etsək, uğur qazanarıq. Növbəti seçmə mərhələdə qrupdan çıxmaq istəyirik”.