AFFA 5 klubu cərimələdi

AFFA İntizam Komitəsinin növbəti iclası keçirilib.

Futbolxeber.az-ın Peşəkar Futbol Liqasının saytına istinadən verdiyi məlumata görə, iclasda Azərbaycan kubokunun 1/4 final mərhələsinin ilk oyunlarındakı və Azərbaycan Premyer Liqasının 22-ci turunun matçlarındakı qayda pozuntuları ilə bağlı qərarlar qəbul edilib.

Azərbaycan kubokunda 1/4 finalın “Kəpəz” - “Neftçi” oyunu bitdikdən sonra qonaq klubun azarkeşləri tərəfindən pirotexniki vasitədən istifadə edildiyinə görə paytaxt təmsilçisi 1500 manat cərimə edilib.

Azərbaycan kubokunda 1/4 finalın “Araz-Naxçıvan” - “Zirə” oyununda  qonaq komandada 4 nəfər sarı vərəqə aldığına görə klub 700 manat cərimələnib.

Eyni mərhələnin “Səbail” - “Qarabağ” matçı bitdikdən sonra meydançaya kənar şəxslər daxil olduğuna görə “Səbail” 800 manat cərimə edilib.

Azərbaycan Premyer Liqasında 22-ci turun “Araz-Naxçıvan” - “Kəpəz” oyununda “Kəpəz”in heyətində 4 nəfər sarı vərəqə aldığına görə klub 700 manat cərimələnib.