“Zirə”nin hücumçusu Kiyev “Dinamo”sunun maraq dairəsində

"Zirə"nin hücumçusu Salifu Sumanın Kiyevin "Dinamo" klubunun maraq dairəsinə düşdüyü iddia olunur.

Futbolxeber.az saytının məlumatına görə, bu barədə Ukraynanın bir neçə teleqram kanalı və saytı məlumat yayıb.

Qeyd edilir ki, Kiyev təmsilçisi buna görə 800 min - 1 milyon avro təzminat ödəməyə hazırdır.

Qvineyalı sağ vinger olan 21 yaşlı futbolçu "Zirə"yə 2023-cü ildə keçib. Onun klubla müqaviləsi 2027-ci ilin iyununda başa çatır.

Suma bu mövsüm uğurlu oyunu ilə diqqət çəkir. O, bütün turnirlərdə 24 oyunda 6 qol vurub, 4 qolun ötürməsini edib. Suma dünən "Qarabağ"a qalib gəldikləri yerli liqa matçında (3:2) iki qolun müəllifi olub.