“Səbail” heyətini Ruanda millisinin hücumçusu ilə gücləndirdi

“Səbail” qış fasiləsində heyətini yeni hücumçu ilə gücləndirib.

Futbolxeber.az saytının məlumatına görə, paytaxt təmsilçisi İnnosent Nşutini heyətinə qatıb. Ruandalı forvardla artıq bütün məsələlərlə razılıq əldə olunub. Onun keçidi qarşıdakı saatlarda açıqlanacaq.

Qeyd edək ki, 26 yaşlı hücumçu karyerasına vətənində A.P.R.-in heyətində başlayıb. Daha sonra Tunis təmsilçisi “Stade Tunisien”ə keçən Nşuti 2019-cu ildə sabiq klubuna qayıdıb. Futbolçunun son komandası isə ABŞ-nin aşağı liqa təmsilçisi “One Knoxville” olub.

Ruanda millisində 10 oyuna çıxan İnnosent Nşuti 2 dəfə fərqlənməyi bacarıb.