Bu gün Premyer Liqamızın 3 klubu məşqləri bərpa edir

Azərbaycan Premyer Liqasında mübarizə aparan klublardan üçü bu gün hazırlıqları bərpa edəcək.

Futbolxeber.az saytının məlumatına görə, “Zirə”, “Şamaxı” və “Kəpəz” yeni ildə ilk məşqə çıxacaq.

Qeyd edək ki, hazırlıq dövründə “Zirə” 2 yoxlama oyunu keçirəcək. Rəşad Sadıqovun komandası yanvarın 9-da “Şamaxı”, 12-də isə “Qarabağ”la üz-üzə gələcək.

“Zirə” kimi iki oyun keçirəcək “Şamaxı”nın ikinci rəqibi “Sabah” olacaq (12 yanvar).

“Kəpəz” isə hazırlıq dövründə cəmi 1 yoxlama matçında qüvvəsini sınayacaq. Gəncə klubu yanvarın 9-da “Qarabağ”la qarşılaşacaq.