“Turan Tovuz” “Dinamo”nun yarımmüdafiəçisini transfer edir

“Turan Tovuz” qış transfer pəncərəsində heyətini yeni futbolçu ilə gücləndirəcək.

Futbolxeber.az saytının məlumatına görə, bölgə təmsilçisi Mahaçqala “Dinamo”sunda çıxış edən Anton Kraçkovskini transfer etməyə yaxındır. Bu barədə football.kulichki.net məlumat yayıb.

Bildirilir ki, "Turan Tovuz" 22 yaşlı yarımmüdafiəçinin keçidi ilə bağlı Rusiya klubu ilə razılığa gəlib. "Turan Tovuz" rəhbərliyi Antonu baş məşqçi Kurban Berdiyevin istəyi ilə transfer edir. Futbolçu Premyer Liqa təmsilçisində icarə əsasında oynayacaq.

Qeyd edək ki, Anton Kraçkovski “Dinamo”ya da 2023-cü ildə məhz Berdiyevin istəyi ilə Qazaxıstanın “Kayrat” komandasından cəlb edilmişdi. Futbolçu bu mövsüm Rusiya Premyer Liqasında 7 matçda forma geyinib.