PFL “Ayın qolu” müsabiqəsi ilə bağlı dəyişiklik etdi

Peşəkar Futbol Liqasının (PFL) Premyer Liqa, I Liqa və II Liqa yarışlarında həyata keçirdiyi “Ayın qolu” layihəsinin şərtləri dəyişdirilib.

Fubtolxeber.az saytının PFL-in mətbuat xidmətinə istinadən verdiyi məlumata görə, qaliblər artıq qurumun feysbuk səhifəsindəki səsvermə nəticəsində yox, xüsusi seçilmiş 11 nəfərlik münsiflər heyəti tərəfindən müəyyənləşdiriləcək.

Münsiflər heyəti aşağıdakı şəxslərdən ibarətdir:

1. Elxan Səmədov - Peşəkar Futbol Liqasının prezidenti

2. Fernandu Santuş - Milli komandanın baş məşqçisi

3. Tural Piriyev - Futbolun İnkişafı Fondunun icraçı direktoru

4. Volkan Üst - “CBC Sport” telekanalının baş direktoru

5. Cahangir Həsənzadə - AFFA-nın texniki direktoru

6. Ağasəlim Mircavadov - AFFA-nın Məşqçilər Komitəsinin üzvü

7. Nazim Əliyev - futbol mütəxəssisi

8. Nazim Süleymanov - futbol mütəxəssisi

9. Arif Əsədov - futbol mütəxəssisi

10. Aslan Kərimov - futbol mütəxəssisi

11. Mahmud Qurbanov - futbol mütəxəssisi

Məlumatda bu da qeyd olunub ki, səsvermə nəticəsində bərabərlik olarsa, yekun qərarın verilməsi Peşəkar Futbol Liqasının səlahiyyətləri daxilindədir.