4 Aprel 2025, Cümə
Millimizin heyəti açıqlandı
Millimiz FİFA reytinqində gerilədi
Samir Abasov: “İnam 100 faiz var”
Elmar Baxşıyevdən qələbə şərhi

Ölkə futbolu

Azər Bağırovdan qələbə şərhi

“Öncə "Turan Tovuz"un əməkdaşı İman Həsənova şəfa diləyirəm. Maraqlı oyun alındı. Penaltini yerinə yetirə bilmədik. "Şamaxı"nın döyüşkən komanda olduğunu bilirdik. Səfər oyunu olmasına baxmayaraq, uşaqlar rəqibdən çəkinmədilər. Futbolçularım döyüşdülər və qələbə qazandıq”.

Futbolxeber.az saytının məlumatına görə, bu sözləri “Kəpəz”in baş məşqçisi Azər Bağırov Azərbaycan Premyer Liqasının XV turunda səfərdə “Şamaxı”nı 1:0 hesabı ilə məğlub etdikləri oyundan sonra deyib.

Daha sonra o, jurnalistlərin suallarını cavablandırıb:

- Bu qələbənin psixoloji cəhətdən komandaya faydası olacaq?

- Artıq 7-ci oyundur ki, komanda mübarizə aparır, yaxşı oynayır. Motivasiya baxımından heç bir problemimiz yoxdur. Sadəcə konsentrasiya itməməlidir. Oyun paltardəyişmə otağında bitir. Ən önəmli olan şey odur ki, son saniyəyə kimi vuruşmalısan. Qələbə əziyyətlə gəlir.

- Orxan Əliyevin ehtiyatda qalmasının səbəbi nə idi?

- Taktiki dəyişiklik idi. Karim Lkoça rəqibi daha çox üzərinə çəkirdi və cinahlarımız üçün yol açılırdı.

- Komandanız ikinci hissədə daha yaxşı oynadı. Fasilədə nəyi dəyişdiniz?

- Birinci hissədə böyük problem görünmürdü. İkinci yarıda döyüşkənliyi artırmaq istədik. Rəqib döyüşürsə, sən ağlllı oynamaqla nəsə edə bilməzsən, sən də döyüşməlisən. Uşaqlar ikinci hissəni daha yaxı keçirdilər.

- Sizin baxışınız necədir? Penaltini vura bilməyən futbolçuya növbəti oyunda da penalti verirsiniz?

- Heç bir problem yoxdur. Bu gün vurmayıbsa, sabah vurar. Futbolçular məşqlərdə penaltilərin üzərində işləyir. Əsas penalti vuranlarımız Luis Paçu ilə Orxan Əliyevdir.

 








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30