"Bakı"nın xilaskarının klubdakı taleyinə sabah aydınlıq gələcək (ÖZƏL)

Risto Ristoviçin “Bakı” ilə hazırki müqaviləsi dekabrın sonunda başa çatır. Serb yarımmüdafiəçinin komandada qalıb-qalmayacağı sabah bəlli olacaq. Bu haqda Futbolxeber.az saytına müsahibəsində Ristoviçin özü məlumat verib: “Sabah ilk əvvəl baş məşqçi Milinko Pantiçlə, daha sonra isə klub rəhbərliyi ilə görüşəcəyik. Mən özüm “Bakı”da qalmaq istəyirəm. Komandamla yeni müqavilə bağlamaqda maraqlıyam. Əgər, klub da xidmətimdə maraqlıdırsa, yeni sözləşmə ilə bağlı heç bir problem yaşamayacağıq”.

Xatırladaq ki, Ristoviç bu gün "Sumqayıt"a qarşı keçirilən oyunun (2:1) 90+3-cü dəqiqədə vurduğu qolla komandasının 1/4 finala daşıyıb.