“Bəlkə də qırmızı vərəqə almasa idi...”

“Mil-Muğan”ın baş məşqçisi Mətləb Məmmədov Azərbaycan Kubokunun 1/8 final mərhələsində “Qəbələ”yə 1:2 hesabı ilə uduzduqları oyunu şərh edib. Futbolxeber.az-ın məlumatına görə, o, yenilgidə komandasının azlıqda qalmasının rolu olduğunu bildirib: “Bildiyiniz kimi Azərbaycanın səviyyəli komandasına qarşı oynadıq. Əzmlə, istəklə oynamaq bu günki hesabın böyük olmamağına gətirib çıxartdı. Qapıçımızın qırmızı vərəqə almağı da təsir elədi. Bəlkə də qırmızı vərəqə almasa idi, oynamaq olardı, amma mən yenə də öz komandama çox sağ ol deyirəm. “Qəbələ” komandasına da gələcək oyunlarda uğurlar arzu edirəm”.