“Səbail” “Qarabağ”ı, “Neftçi” “Zirə”ni qəbul edir

Azərbaycan Premyer Liqasında 14-cü turun oyunları davam edir.

Futbolxeber.az saytının məlumatına görə, ikinci oyun günündə daha iki matç keçiriləcək.

Əvvəlcə “Səbail” öz meydanında son çempion “Qarabağ”ı qəbul edəcək. Bu matçda Cavid Hüseynov “Səbail”in baş məşqçisi kimi debüt matçına çıxacaq.

Günün digər matçında “Neftçi” “Zirə”ni qəbul edəcək. Meydan sahibləri matça ciddi itkirlərlə çıxacaq. Belə ki, Azər Salahlı, Andre Şinyaşiki, Emin Mahmudov və Dembo Darbo zədə səbəbindən, Kilan Lebon isə cəzalı olduğu üçün bu gün “Zirə”yə qarşı oynaya bilməyəcək.

Samir Abasovun gəlişindən sonra yalnız “Səbail”i məğlub edən “Neftçi” son 3 turda qələbəyə həsrətdir (1 məğlubiyyət, 2 heç-heçə).

"Neftçi” kimi “Zirə” də son turlar inamlı təsir bağışlamır. Rəşad Sadıqovun komandası son 5 oyunun yalnız 1-də qalib gəlib. Komanda digər 2 matçda uduzub, ikisində heç-heçə edib. Odur ki, bugünkü matçda hər iki tərəf uğursuz gedişə son qoymağa çalışacaq. 

Qeyd edək ki, dünən start götürən 14-cü tura sabah keçiriləcək 2 oyunla yekun vurulacaq.

Azərbaycan Premyer Liqası

XIV tur

23 noyabr (şənbə)

17:00. “Səbail” - “Qarabağ”

Hakimlər: Nicat İsmayıllı, Zöhrab Abbasov, Cəmil Quliyev, Əkbər Əhmədov

“ASCO Arena”

19:00. “Neftçi” - “Zirə”

Hakimlər: Kamal Umudlu, Namiq Hüseynov, Vüsal Məmmədov, Əli Əliyev

“Neftçi Arena”

24 noyabr (bazar)

17:00. “Turan Tovuz” - “Sabah”

19:00. “Sumqayıt” - “Şamaxı”

22 noyabr (cümə)

“Kəpəz” - “Araz-Naxçıvan” - 0:2