UEFA Avropa Liqası: "Qarabağ"ın rəqibləri müəyyənləşdi

UEFA Avropa Liqasında Liqa mərhələsinin püşkü atılıb.

Futbolxeber.az saytının məlumatına görə, Monakoda keçirilən püşkatmada "Qarabağ"ın da rəqibləri müəyyənləşib.

"Qarabağ"ın rəqibləri

1-ci səbətdən: "Tottenhem", İngiltərə (səfərdə), "Ayaks" Niderland (evdə)

2-ci səbətdən: "Olimpiakos", Yunanıstan (səfərdə), "Lion", Fransa (evdə)

3-cü səbətdən: "Malmö", İsveç (evdə), "Bodo Qlimt", Norveç, (səfərdə)

4-cü səbətdən: "Styaua”, Rumıniya (evdə), "Elfsborq", İsveç (səfərdə)

Qeyd edək ki, turnirdə iştirak edən 36 komandanın hər birinin rəqibi hər səbətdən çıxan 2 komanda olub. Yeni formata əsasən hər komanda 8 fərqli rəqiblə 8 matç keçirəcək. Oyunlardan 4-ü evdə, 4-ü səfərdə olacaq.

Yekunda 36 komanda arasında ən çox xal toplayan ilk 8 yeri tutan komanda 1/8 finala yüksələcək. 9-24-cü yeri tutanlar isə 1/8 finalda oynamaq üçün iki matçdan ibarət pley-off qarşılaşmaları keçirəcəklər. 25-36-cı yeri tutanlar isə avrokuboklarda mübarizəni başa vuracaqlar.