“Stadionlardan asılan feyr-pley bayrağını endirsək, daha məqsəduyğun olar”

“Maraqlı oyun alındı. Hər iki komanda meydançada mübarizlik göstərdi. Komanda şəklində bu oyunda daha üstün idik. Futbolun yazılmayan qanunları var. Düşünürəm ki, iki xalımız getdi”.

Futbolxeber.az saytının məlumatına görə, bu sözləri “Araz-Naxçıvan”ın baş məşqçisi Elmar Baxşıyev Azərbaycan Premyer Liqasının IV turunda “Neftçi” ilə heç-heçə etdikləri (1:1) oyun barədə danışarkən deyib.

Mütəxəssis rəqibin vurduğu qola belə münasibət bildirib: “Fikrimcə, stadionlardan asılan feyr-pley bayrağını endirsək, daha məqsəduyğun olar. Bir şeyə ki, riayət etmirlərsə... Biz uduzsaq da, əməl etmişik. Onları təbrik edirlər. Layiqli qoldursa, qaydalar necə tərtib olunur? Rəqibə reaksiya verirsən, qırmızı vərəqə verirlər. Heç kimi təhqir etəmişəm. Ümid edirəm ki, belə hadisələrlə rastlaşmayacağıq. Futbolçular və məşqçilərə aid olan qaydadır. Bu gün belə oldu. Ümid edirəm ki, bir daha belə hadisələr başımıza gəlməz”.

O, qırmızı vərəqə aldığı epizodda hakimi təhqir etmədiyini vurğulayıb: “Problemli adam deyiləm. Emosiyalarımı özümdə saxlamıram, göstərirəm. Onu da fərqli qarşılayırlar. Heç kimi təhqir etməmişəm”.