Mateuş Koxalski “Qarabağ”da debüt oyununa çıxır

Mateuş Koxalski “Qarabağ”da debüt oyununa çıxır.

Futbolxeber.az saytının məlumatına görə, polşalı qolkiper bu gün Azərbaycan Premyer Liqasının IV turu çərçivəsində “Turan Tovuz”a qarşı keçiriləcək matçda start heyətində meydana çıxacaq.

Xatırladaq ki, Koxalskini “Qarabağ” bu yay heyətinə qatıb. Əvvəlki matçlarda o, ehtiyatda qalıb.

Ağdam klubunun digər yeni transferi Emmanuel Addainin də adı Tovuz klubu ilə matçın protokoluna daxil edilib. Lakin o, görüşə ehtiyat oyunçular skamyasından başlayacaq. Baş məşqçi Qurban Qurbanov şans verəcəyi təqdirdə, qanalı futbolçu da bu gün “Qarabağ”da debüt edə bilər.

Xatırladaq ki, “Qarabağ” - “Turan Tovuz” oyunu 18:15-də start götürəcək.